Ewe Mungu Mwenyezi, sisi kama familia tunakushukuru kwa zawadi ya Mama Kanisa Katoliki ambaye siku zote hutupatia malezi bora kwa ajili ya wokovu wetu. Kanisa halichoki kutuhimiza tutafakari na kuishi utakatifu wa familia ya Nazareti ya Yesu, Maria na Yosefu. Familia hii iliishi upendo uliojengwa kwa fadhila za imani, uaminifu, utii, uvumilivu na upole hata wakawa watakatifu. Tunapoadhimisha mwaka wa Familia, tunaiweka mbele yetu familia ya Nazareti iwe dira, baraka na mfano kwa familia zetu.
Tunakushukuru Baba kwa ajili ya familia zote zinazojitahidi kuishi fadhila hizo za Familia takatifu na tunakuomba uzidi kuwaimarisha wanandoa ili tupate kwao mifano mingi na bora ya kuigwa. Ee Bwana, tunaomba Roho Mtakatifu atuangazie tuweze: kutambua familia kuwa Kanisa la nyumbani na shule ya imani na upendo; kuimarisha familia kwa sala, sakramenti na tunu za kiinjili na kushirikiana kwa heshima katika familia kwa usitawi wa roho na wa mwili kwa wanafamilia wote.
Tunaziombea familia zetu na Jumuiya Ndogondogo za Kikristo ziwe bustani bora na salama za kuchipusha na kulea miito mitakatifu ya Ndoa, Utawa na Upadre. Tunawaombea vijana na watoto wetu Uchaji wa Mungu ili wawe na bidii ya kujitunza kwa kushika amri za Mungu na kuishi fadhila za kiinjili, wawe na roho ya kimisionari yaani walipende Kanisa na kuwa na moyo wa kueneza ufalme wako kwa matendo ya imani. Baba wa huruma, tunakukabidhi familia zenye misukosuko ya mafarakano, ulevi, ubinafsi, uregevu-dini, uvivu, ushirikina, hofu, magonjwa sugu na mengineyo yenye kuleta huzuni; kwa hisani yako uwape neema, mwanga na nguvu za kuanza maisha mapya yenye amani, waweze kufurahia upatanisho na uponyi wa pendo lako la kibaba kati yao.
Tunaomba toba na msamaha kwa ukatili, manyanyaso na hata mauaji katika familia zetu na uwaponye wote waliojeruhiwa kwa maneno, matendo na makwazo ya aina yeyote. Aidha tunakuomba uwe kitulizo na faraja kwa wagonjwa na wazee, pia tegemeo la yatima na wajane. Wenye matatizo ya kiafya au ya kijamii wasikate tamaa bali waunganishe hali zao na msalaba wa Mwanao na kukutumaini wewe Mweza yote. Jamii iwajibike nao kwa kuzijali haki zao na kuwapa misaada wanayohitaji.
Tunakuomba ubariki miradi na kazi zetu ili familia zipate usitawi na maendeleo; na utujalie hekima ya kukushukuru kwa maisha ya haki, amani na ukarimu na mwisho tukaimbe sifa zako pamoja na familia Takatifu ya Yesu, Maria na Yosefuna jeshi lote la mbinguni. Tunaomba hayo kwa njia ya Kristo Bwana wetu. Amina.
Baba yetu… …..Salamu Maria….…Atukuzwe Baba………
Anthony Kariuki (Guest) on September 12, 2017
Katika udhaifu wetu, rehema za Mungu zinatupa nguvu
Joseph Kawawa (Guest) on September 4, 2017
🙏💖 Mungu wetu asifiwe
Nancy Kabura (Guest) on July 12, 2017
🙏🌟 Namuomba Mungu akupiganie
Chris Okello (Guest) on March 29, 2017
Katika uwepo wake, kuna ukamilifu wa furaha
Joseph Kitine (Guest) on March 21, 2017
🙏❤️✨ Asante Mungu kwa kila kitu
Benjamin Masanja (Guest) on March 14, 2017
Mwamini Bwana; anajua njia
Janet Sumari (Guest) on January 10, 2017
🙏❤️ Mungu akubariki
Simon Kiprono (Guest) on December 30, 2016
🙏🌟 Mungu alete amani
Janet Mwikali (Guest) on July 26, 2016
Rehema zake hudumu milele
Grace Mushi (Guest) on July 11, 2016
🙏🙏🙏
James Kawawa (Guest) on May 7, 2016
Sifa kwa Bwana!
Charles Mboje (Guest) on March 3, 2016
Imani inaweza kusogeza milima
Joseph Kitine (Guest) on October 19, 2015
🙏🌟 Neema za Mungu zisikose
Grace Majaliwa (Guest) on October 3, 2015
🙏✨ Neema ya Mungu iwe nawe
Ann Awino (Guest) on October 2, 2015
Endelea kuamini, hata ikiwa ni vigumu kuona njia
Nuru (Guest) on September 8, 2015
🙏🙏🙏
David Musyoka (Guest) on August 15, 2015
Imani inakua imara zaidi wakati wa majaribu
Grace Mushi (Guest) on July 22, 2015
🙏💖 Nakushukuru Mungu
Grace Minja (Guest) on June 17, 2015
Baraka kwako na familia yako.
Elizabeth Malima (Guest) on June 10, 2015
🙏❤️🌟 Asante Mungu kwa uhai
Alex Nyamweya (Guest) on May 18, 2015
Bwana yuko karibu na wote wanaomwita
Elizabeth Malima (Guest) on May 16, 2015
Wakati wa Mungu ni kamilifu
Joseph Mallya (Guest) on April 3, 2015
Katika rehema zake, Mungu husamehe na kurejesha